Д-р Чибишев уште во 2021 година предупреди дека власите не треба да се потпираат на модуларните болници

Новите моменти од трагичниот случај со тетовската модуларна болница во кој живи изгореа 14 пациенти, повторно го покрена прашањето за користа и безбедноста на модуларните објекти кои се користеа за време на ковид-пандемијата.

Доктор Андон Чибишев во септември 2021 година, во изјава за медиумите, рече дека не треба здравствените власти да се потпираат на модуларни болници, туку треба да оспособат здравствени капацитети во кои што ќе можеа да се згрижуваат пациенти со тешка слика.

– Ние имаме голем број на здравствени капацитети кои што не се во употреба, а имаат подобри услови од модуларните болници. Имаме такви на кои што со помали интервенции градежни или технички можеа да се оспособат за да згрижуваме пациенти, укажа тогаш Чибишев.

Тој тогаш нагласи дека модуларните болници се времени објекти, кои што имаат најминимални услови за згрижување на тешки пациенти.

– А, ние комплетно се ослонивме прво на шаторска болница која што беше донација од војската, од Владата на Норвешка, која што ако се сеќавате на првиот снег се сруши. А, потоа се ослонивме на модуларните болници. Мислам дека модуларните болници можат да помогнат, но меѓутоа не можеме ние како држава, како здравствен систем да се ослониме на модуларните болници, рече Чибишев во тогашната изјава во екот на корона пандемијата.

Share on Facebook

Tweet

Follow us

Save