Еврејската заедница поднесе кривична пријава за бугарскиот клуб “Цар Борис Трети”

Претседателот на Еврејската заедница во Македонија, Пепо Леви вечерва истакна дека тие се згрозени од отворањето на бугарскиот клуб „Ванчо Михајлов“ и најавеното отворање на клуб со името „Цар Борис Трети“.

-Најавивме и поднесување кривична пријава. Потребно е време да се приложат докази, да се подготви пријавата и во тоа успеавме. Ангажиравме адвокатска куќа и во понеделникот ја упативме кривичната пријава до Јавното обвинителство во Охрид за отворање на здружението под тоа име. Се надевам дека ЈО ќе реагира доста брзо. Сите знаеме кој е Цар Борис Трети, информира Леви.

Тој во емисијата „24 анализа“ покажа фотографија од цар Борис Трети како се поздравува со нацистичкиот лидер Адолф Хитлер.

Отворањето на клубот „Цар Борис Трети“ е најавено за 7. октомври во центарот на Охрид со посебна свечена церемонија.

Share on Facebook

Tweet

Follow us

Save