Европа прес: Европскиот парламент побара реформи и уставни измени ако Македонија сака да се приклучи кон ЕУ

Република Македонија мора да покаже политичка волја и да усвои уставни измени за да се приближи кон Европската Унија. На тоа инсистира Европскиот парламент. Ова се наведува во анализа на авторитетното шпанско издание „Европа прес“.

Изданието известува дека Комитетот за надворешни работи на Европскиот парламент побарал од Република Северна Македонија јасно да демонстрира политичка волја за усвојување на уставни измени што би го олесниле нејзиното пристапување кон Европската Унија. Се известува дека во извештај посветен на процесот на пристапување кон ЕУ, комитетот ги повикал властите во Македонија да ги преземат потребните уставни измени, да ги зголемат напорите за зајакнување на владеењето на правото и да ја засилат борбата против корупцијата.

Европратениците ја охрабрија Република Северна Македонија да продолжи со реформите и покрај политичките предизвици и незадоволството на јавноста. Се посочува дека, според Европскиот парламент, членството во ЕУ зависи од присуството на политичка волја и широк консензус во земјата. Затоа, се повикува на конструктивен дијалог за постигнување на овој консензус, со што ќе се зајакне мултиетничкиот карактер на земјата и ќе се забрза нејзиниот напредок кон ЕУ.

Во написот се додава дека членството на Северна Македонија во моментов е ефикасно блокирано поради недостаток на напредок во уставната реформа што Македонија ја презеде за да ги реши загриженостите на Бугарија. Во публикацијата се наведува дека властите во Македонија мора да ги вклучат Бугарите во Уставот и законодавството. Во написот се истакнува фактот дека реформата не беше спроведена по падот на претходната влада и враќањето на власт на националистичка партија, која ветува дека ќе го врати старото име на земјата и дека нема да продолжи со уставните измени.

Share on Facebook

Tweet

Follow us

Save