Европскиот парламент: Србија да воведе санкции за Русија ќе биде чекор кон нивна евроинтеграција

Во текстот на извештајот на Европскиот парламент од Србија се бара да воведе санкции кон Русија поради нејзината агресија врз Украина и јасно да утврди дали таа е на европскиот пат.

Покрај познатите услови поврзани со владеењето на правото и нормализацијата на односите со Приштина, во извештајот се нагласува дека почитувањето на надворешната политика на ЕУ, вклучително и санкциите против Русија, ќе го одреди понатамошниот тек на преговорите.

Текстот од 40 договорени амандмани за кои се договорија водечките политички групи, особено ја нагласува потребата од усогласување на Србија со ставот на ЕУ кон војната во Украина, односно во областа на владеење на правото, борбата против корупцијата и медиумските слободи.

Европскиот парламент наведува дека го поддржува членството на Србија во ЕУ, додавајќи дека тоа зависи од политичката волја на српските власти и подготвеноста за „неповратни реформи, пред се во владеењето на правото“.

Во голем број амандмани за односите со Русија, кои значително го проширија првичниот текст на известувачот Владимир Билчик, европратениците повикаа на „итни санкции“, изразувајќи загриженост дека Србија е „меѓу ретките европски земји кои не го почитуваа ставот на ЕУ“.

Share on Facebook

Tweet

Follow us

Save