Една третина од Германците се психички болни

Многу Германци страдаат од депресија, анксиозни нарушувања или други ментални болести, а така е и во други земји – бројките се уште поголеми во САД, Турција и во Мексико. Младите се особено погодени.

Во моментов, околу 31% од Германците страдаат од психичка болест. Исто толку ги има во Кина и на Тајланд. Во САД, 40% се борат со ментални проблеми како што се депресија, анксиозни нарушувања или нарушувања во исхраната. Ова е резултат од репрезентативното истражување на меѓународната агенција за истражување на јавното мислење Ипсос.

За нивното ментално здравје беа прашани 1.000 луѓе од 16 земји во Европа, Азија и во Северна Америка. Во споредба со 2023 година, зачудувачки е што состојбата во повеќето земји е влошена во 2024 година. Во Франција, Ирска и во Мексико, процентот на луѓе со ментална болест се зголемил за 6 до 7%. Во Турција дури за 8%.

Менталното здравје се чини дека е и генерациски проблем: особено младите на возраст меѓу 18 и 34 години почесто пријавувале дека страдаат од ментална болест. Во Ирска, Турција и во САД особено се погодени лицата на возраст од 18 до 24 години. Но, и САД и Турција водат во оваа област и во возрасната група од 25 до 34 години.

Share on Facebook

Tweet

Follow us

Save