Едно лице е повредено во судир на автобус и мотоцикл

Едно лице е повредено откако се судриле автобус и мотоцикл, соопшти полицијата.

„На  25.04.2026 околу  07:50 часот во СВР Скопје е пријавено дека на сервисната улица која ги поврзува ул. „Бутелска“ и бул. „Христијан Тодоровски Карпош“ во Скопје , се случила сообраќајна несреќа помеѓу автобус „ман“ со скопски регистарски ознаки, управуван од М.А.(58) од с.Шишево, скопско и мотоцикл „пиаџо“ со скопски регистарски ознаки, управуван од Ш.К.(23) од с.Љуботен, скопско. Во несреќата со тешки телесни повреди се здобил возачот на мотоциклот, констатирани во Комплекс клиники „Мајка Тереза“ Скопје“, велат од МВР.

Извршен е увид од увидна екипа на СВР Скопје.

Share on Facebook

Tweet

Follow us

Save