Едeн од ранетите при пукањето во Цетиње е во животна опасност

Едно лице од ранетите во вчерашното пукање во Цетиње е во животна опасност, соопштија од Клиничкиот центар на Црна Гора. Во таа болница во Подгорица се згрижени четири ранети лица, од кои едно е стабилно, а тројца се на интензивна нега. Еден од нив е во животна опасност.

Во соопштението се наведува дека двајца пациенти се надвор од животна опасност и се згрижени во болница во Цетиње.

Една од ранетите хоспитализирани во Клиничкиот центар на Црна Гора во моментов е стабилен, надвор од животна опасност и е сместена на Клиниката за неврохирургија.

Вториот пациент е третиран хируршки по приемот, има повреди на мозочните структури и коскените структури на главата и градниот кош, животот му е загрозен и се наоѓа на Централното одделение за интензивна нега – се вели во соопштението.

Во него се додава дека третиот пациент има повреда во пределот на абдоменот. Тој е хируршки третиран и е на понатамошна интензивна терапија и мониторинг и исто така е сместен на одделението за интензивна нега.

Четвртиот пациент има повреди на вратот и градниот кош, отворена фрактура на десната надлактица, исто така е оперативно третиран и се уште бара лекување на одделението за интензивна нега – соопшти Клиничкиот центар на Црна Гора.

Share on Facebook

Tweet

Follow us

Save