Екипи од рано утринава на терен во Бигла, се следи состојбата по пожарот

Рано утринава е извршен детален увид на теренот во село Бигла, Општина Делчево, каде што вчера избувна голем пожар. Уште од 5 часот наутро на терен биле присутни дежурни екипи на ТППЕ Делчево, Дирекцијата за заштита и спасување, МВР, Граничната полиција, Црвениот крст – Делчево и „Македонски шуми“.

Како што информира градоначалникот на Општина Делчево, Иван Гоцевски, заедно со стручните лица бил направен детален увид во состојбата на теренот. При увидот била користена и снимка од дрон, преку која биле разгледани и деловите од теренот до кои нема директен пристап и кои не можат целосно да се согледаат од земја.

Состојбата ќе продолжи внимателно да се следи во текот на денот, а Општина Делчево останува во координација со сите надлежни служби за навремено реагирање доколку се појави потреба.

Приоритет остануваат безбедноста на граѓаните и спречувањето на евентуално повторно разгорување на пожарот. (

Share on Facebook

Tweet

Follow us

Save