INFOMAX.MK

Економијата расте на хартија, сиромаштијата расте во реалноста, реагираат од Левица.

– Додека власта си мери економија во проценти, народот мери со празни паричници и недостижна потрошувачка кошничка. Додека од една страна Мицкоски и неговите министри серкојдневно зборуваат за позитивни трендови и раст на економијата, од друга страна зголемената сиромаштија, ниските плати и растечките цени не претставуваат позитивен тренд за работникот, пензионерот, студентот.

Инфлацијата и понатаму го јаде животниот стандард. ММФ прогнозира инфлација од 3,4% за оаа година. Невработеноста кај младите останува проблем број еден. Растот е со намалена надворешна побарувачка, трговската несигурност на ЕУ дополнително се заканува на извозот.

Светска Банка во најновиот извештај прогнозира раст на македонската економија од само 2,6%, што е најмал раст во Западен Балкан за оваа година, а е далеку од амбициозната владина прогноза од 3,7%, која министерката за финансии ја нарекува „реална“.

Левица бара економија по мерка на граѓаните, не на елитите:

-Системска поддршка на домашното производство наместо потпирање на странски компании со државни субвенции;

-Намалување на ДДВ за основни продукти и електрична енергија;

-Зголемување на минималната плата на 500 евра;

-Системска помош за сиромашните и невработените, наместо лажна слика за раст. – соопштија од Левица.