Експлозија во Требиње: Во близина на болница експлодира бомба со тајмер

Непознато лице или група постави експлозивна направа до зградата на болницата Требиње, која експлодирала вчера попладне, но за среќа во него во тој момент немало луѓе. Според информации, се работи за рачно изработена експлозивна направа на која имало тајмер.

Од експлозијата била причинета материјална штета на зградата на болницата, а работниците на оваа установа и пациентите биле вознемирени од овој настан.

Пристапот до локацијата беше блокиран неколку часа.

Полицијата и надлежниот обвинител спроведоа истрага.

Дежурниот обвинител овој настан го окарактеризира како кривично дело предизвикување општа опасност, за што е предвидена затворска казна од шест месеци до пет години.

Полицијата кусо соопшти дека за овој случај е надлежно Окружното јавно обвинителство.

Од Обвинителството велат дека по спроведената истрага е утврдена мала материјална штета, дека земените предмети се испратени на вештачење и дека истрагата е во тек.

Share on Facebook

Tweet

Follow us

Save