ЕК ќе разгледува зошто Бугарија, Романија и Грција плаќале поскапа струја
Романија, Бугарија и Грција поднесоа заедничко барање до Европската комисија за решавање на проблемите во енергетскиот пазар, што ќе се разгледа на состанокот на Советот на министри на 15 октомври. Ова го потврди романскиот министер за енергетика Себастијан Бурдуја на прес-конференција по владината седница, пренесоа медиумите Агерпрес и БТА.
Според Бурдуја, прашањето за функционалниот енергетски пазар ќе биде дел од дискусиите во Луксембург, како резултат на иницијативата на трите земји. Притоа, тој презентираше споредбени податоци за цените на електричната енергија, според кои на 11 јули, Романија плаќала 190 евра за мегават час, додека земји како Франција и Австрија имале значително пониски трошоци – 78 и 75 евра соодветно. Од друга страна, Унгарија плаќала дури 264 евра. До 2 септември, цените во регионот достигнале врв, со 234 евра за мегават час во Романија, со слични цени во Бугарија, Грција и Унгарија.
Министерот истакна дека високите цени се должат на недостатокот на реализирани интерконекции меѓу земјите од Источна и Западна Европа, особено од страна на Австрија и Словачка. Тоа ја спречува евтината енергија произведена на Запад да стигне до земјите на Истокот. Тој најави дека врз основа на студиите изработени од операторите на електропреносните системи во Романија, Бугарија и Грција, ќе побараат конкретни мерки за надминување на овие предизвици.
ПОВРЗАНИ ВЕСТИ
Шокантни детали од „енергетското примирје“ на Трамп:…
Таканареченото „енергетско примирје“ што американскиот претседател Доналд…
Русија не прифаќа примирје со Украина: Пропаѓа…
Русија засега не потврдува дека прифатила какво…
Иран го оцени американскиот одговор за Ормускиот…
Иран го оцени како недоволен американскиот одговор…
Републиканци против Трамп: Договорот за руски дизел…
Договорот на американскиот претседател Доналд Трамп за…
Американските медиуми: Трамп е многу – многу…
Американскиот претседател Доналд Трамп е силно незадоволен…