Елмас: Знаеме дека шансата не смее да се пропушти
Македонската фудбалска репрезентација на гостувањето во вторник во Порто во рамки на финалето од мундијалскиот бараж ќе биде посилна за Елиф Елмас, кој оцени дека дуелот против Португалија за „црвено – жолтите“ ќе биде досега најтешкиот.
– Нè очекува еден од најтешките и највозбудливите натпревари до сега за сите нас играчи кои сме тука во репрезентацијата. Пред нас се 90 минути во кои можеме да си го исполниме сонот од детството и сонот на целата нација. Знаеме дека оваа шанса не смее да ја пропуштиме и ќе изгинеме на теренот за да дојдеме до Светското првенство во Катар – изјави Елмас.
Играчот од средниот ред очекува дуелот во Порто да биде поразличен натпревар од пресметката против Италија.
– Искрено очекувам поразличен натпревар од тој во Палермо, бидејќи мислам дека Португалија е индивидуално за нијанса поквалитетна од Италија. Би сакал да нè потценат, но мислам дека нема да го направат тоа, бидејќи знаат дека ова е финале и само 90 минути ги делат двете репрезентации од пласман на Светското првенство – додаде Елмас, пред финалето на стадионот „Драгао“ во Порто, во вторник со почеток од 20:45 часот.
ПОВРЗАНИ ВЕСТИ
Почнуваат активностите за вежбата „Swift Response 24“
Од денеска почнуваат подготвителните активности за изведување…
Поради корупција уапсен е рускиот заменик министер…
Русија уапси министер поради примање мито. Рускиот…
Хорор: Маж ги убил сопругата и трите…
Пет мртви тела, меѓу кои и три…
Маричиќ: Не може од државна плата да…
Не може од државна плата да станете…
Директорот на ФБИ: „ТикТок“ е проблем за…
Директорот на ФБИ, Кристофер Реј изјави дека…