Енергетски удар врз ЕУ: Гасот поскапел за 140%, дизелот двојно од февруари

Цените на природниот гас во Европската Унија пораснале за 140%, додека цените на дизелот се удвоиле од февруари годинава, изјави главната портпаролка на Европската комисија, Паула Пињо, на брифинг во Брисел, пренесува агенцијата АПА.

Според нејзината изјава, Европската комисија од февруари внимателно ја следи состојбата преку експертските координативни групи за гас и нафта. Наведениот раст се однесува на периодот од февруари, а не од почетокот на годината, како што се наведува во објавата на социјалните мрежи.

Ваквото поскапување создава дополнителен притисок врз европската економија. Повисоките трошоци за енергија можат да го поскапат индустриското производство, додека растот на цената на дизелот ги зголемува транспортните трошоци и може да се прелее врз цените на храната и другите производи.

Share on Facebook

Tweet

Follow us

Save