Ердоган го осуди смртоносниот израелски воздушен напад врз бегалскиот камп Рафах

Турскиот претседател Реџеп Таип Ердоган ги осуди смртоносните напади на Израел врз Рафах за време на викендот.

Колку подолго Нетанјаху и неговата мрежа на убиства не успеваат да го скршат херојскиот отпор на палестинскиот народ, толку повеќе тој се турка во ќош во неговата земја, обидувајќи се да го продолжи својот политички живот со пролевање повеќе крв. Но, тој наскоро ќе види дека тоа нема да помогне. Исто како Хитлер на кого му завидува, како Милошевиќ, како Караџиќ и другите ликови во историјата, нема да може да избегне да биде запаметен со проклетство.

Палестинските здравствени работници рекоа дека во израелските воздушни напади убиени се најмалку 45 луѓе, вклучително и бегалци кои живееле во шатори што биле зафатени од пожар по експлозиите.

Израел соопшти дека ја истражува смртта на цивилите, велејќи дека ја погодил инсталацијата на Хамас и убила двајца високи милитанти на оваа организација.

Ердоган истакна дека нападот се случи неколку дена откако Меѓународниот суд на правдата му нареди на Израел да ја прекине воената офанзива во Рафах.

Турскиот лидер ги засили своите критики кон Израел по неговата воена офанзива во Газа, обвинувајќи го за воени злосторства и геноцид, нешто што Израел жестоко го негира.

Тој ја опиша милитантната група Хамас, која Израел, САД и ЕУ ја сметаат за терористичка организација, како борци за слобода.

Share on Facebook

Tweet

Follow us

Save