Ердоган: Грците се плашат од ракетата Тајфун, можела да ја погоди Атина – Да, може!
Турскиот претседател Реџеп Тајип Ердоган изјави дека неодамнешното тестирање на турска балистичка ракета ја исплашило Атина и изјави дека Анкара нема да седи со скрстени раце доколку Грција продолжи да ги милитаризира своите острови во Егејското Море.
„Сега почнавме да правиме наши ракети и ова производство ги исплаши Грците. Ќе кажете Тајфун, а тие се плашат, велат дека тоа може да ја погоди Атина. Да, секако дека може да ја погоди. Ако не останете смирени, ако се обидете да го поставите оружјето што го добивте од САД на островите, и ќе ја погоди“, предупреди Ердоган, пренесува „Анадолија“.
Тој додаде дека „земја како Турција сигурно нема да седи со скрстени раце“ и дека „ќе мора да направи нешто“.
Во октомври Турција тестираше домашно произведена балистичка ракета со краток дострел „Тајфун“ над Црното Море, за која рече дека може да погоди цел на растојание од 560 километри за 456 секунди.
Анкара е вознемирена од она што го опишува како зголеменото трупање на грчката армија на островите во близина на нејзиниот брег, но и од воената поддршка што Грција ја добива од САД, наведе „Анадолија“.
ПОВРЗАНИ ВЕСТИ
Грчкиот раст и натаму е над европскиот
Грција и натаму бележи повисок економски раст…
По 19 месеци затвор, ослободен турски комичар…
Турски суд во понеделникот го осуди комичарот…
(Видео) Се снимал додека вози со неверојатни…
Снимка од грчки автопат привлече големо внимание…
Силен земјотрес го погоди југоистокот на Турција
Земјотрес со јачина од 5,4 степени е…
Ердоган до Зеленски: Турција е подготвена да…
Турскиот претседател Реџеп Таип Ердоган изјави дека…