Ердоган: За првпат извезуваме воен брод во земја членка на НАТО и ЕУ

Претседателот на Турција, Реџеп Таип Ердоган, објави дека неговата земја за првпат реализирала извоз на воен брод во држава членка на НАТО и Европската Унија, по договорот потпишан со Романија. Изјавата беше дадена за време на церемонијата за предавање на патролниот брод „CAm. Roman“ на Романските поморски сили во Истанбул.

Ердоган нагласи дека турската поморска одбранбена индустрија минува низ најинтензивниот период во историјата на републиката, истакнувајќи дека Турција има изградено повеќе од 140 поморски платформи за различни земји низ светот. Тој додаде дека Анкара има намера да ги споделува своите одбранбени капацитети со партнерските земји и дека целта на Турција останува зајакнување на мирот, стабилноста и безбедноста во регионот.

Share on Facebook

Tweet

Follow us

Save