Ердоган: Молкот на Западот доведе до катастрофа во Газа

Молкот на западните земји доведе до хуманитарна криза од невидени размери во Појасот Газа. Ова го изјави турскиот претседател Реџеп Таип Ердоган при телефонски разговори со рускиот лидер Владимир Путин.

„Турскиот претседател Реџеп Таип Ердоган имаше телефонски разговор со рускиот претседател Владимир Путин. За време на разговорот, лидерите на двете земји разговараа за ескалацијата на конфликтот меѓу Израел и Палестина и хуманитарната криза во регионот“, соопштија од турскиот претседателски кабинет. „Претседателот Ердоган рече дека молкот на западните држави доведе до тоа хуманитарната криза во Појасот Газа да достигне невидени размери“.

Како што истакна Ердоган, конфликтот на Блискиот Исток се интензивира, што доведува до постојано зголемување на бројот на цивилни жртви во Појасот Газа. „Претседателот Ердоган истакна дека бруталноста врз палестинските територии се продлабочува, а бројот на цивилни жртви расте секоја минута. Претседателот Ердоган исто така истакна дека Турција ќе продолжи да прави максимални напори за да обезбеди смиреност во регионот“, соопшти канцеларијата.

Share on Facebook

Tweet

Follow us

Save