Ердоган: На Нетанјаху треба да му се суди како на Милошевиќ

Турскиот претседател Реџеп Таип Ердоган денеска изјави дека на израелскиот премиер Бенјамин Нетанјаху на крајот ќе му се суди како воен злосторник за израелската офанзива во Појасот Газа.
Во говорот на состанокот на Комитетот на Организацијата за исламска соработка (ОИЦ) во Истанбул, турскиот претседател рече дека Газа е палестинска земја и секогаш ќе им припаѓа на Палестинците, а израелскиот премиер повторно го нарече месар.

„Касапот на Газа, Нетанјаху, пред камера призна дека неговите експанзионистички цели не се ограничени на Рамала и Газа. „Затоа, одбраната на Газа и Палестина денес значи истовремено одбрана на Ерусалим, Мека, Медина, Дамаск, Истанбул и другите исламски градови“, рече Ердоган.
Според него, Нетанјаху мора да оди на суд за воени злосторства, кои наводно Израел ги извршил во Газа и посочи дека треба да му се суди за воени злосторства како поранешниот претседател на Србија, Слободан Милошевиќ.

„Нетанјаху не само што е воен злосторник, туку дефинитивно ќе му се суди како месар на Газа, исто како што му беше судено на Милошевиќ“, рече Ердоган.
Тој посочи дека Нетанјаху ќе мора да биде обвинет пред меѓународниот трибунал за да му се суди за гореспоменатите воени злосторства.
Ердоган повторно ги обвини петте постојани членки на Советот за безбедност на Обединетите нации дека ги попречуваат напорите за ставање крај на насилството.
„Од една страна, има 121 земја кои велат дека војната и крвопролевањето треба да престанат, но од друга страна, три или пет земји им даваат одврзани раце на израелските напади“, рече Ердоган.

Share on Facebook

Tweet

Follow us

Save