Ердоган: Нема изгледи за мир во Украина

Претседателот на Турција Реџеп Таип Ердоган изјави дека нема изгледи за мир во Украина.

– „Позицијата на Турција за актуелната војна во Украина е недвосмислена. Од првиот ден се залагавме за мир, дијалог и дипломатија. Направивме големи напори да спречиме натамошно крвопролевање. Не го влошивме проблемот и не долеавме масло на огнот. Се обидувавме да ги натераме партиите да се сретнат. За жал, војната која трае една и пол година се уште трае. Нема изгледи за постигнување мир“, изјави Ердоган на новинарите во авионот по враќањето од Сочи, каде што се сретна со рускиот лидер Владимир Путин.

Тој, исто така, додаде дека Турција ќе продолжи да се обидува да придонесе во процесот на размена на затвореници меѓу Русија и Украина.
„Ќе продолжиме да ја играме улогата на посредник во прашања како што се размената на затвореници и ситуацијата со нуклеарната централа Запорожје. Се надеваме дека оваа војна, која им штети на нашите соседи и на целиот наш регион, ќе заврши што е можно поскоро со постигнување праведен и траен мир заснован на меѓународното право“, рече турскиот претседател.

Тој рече дека „нема победници во војна и нема губитници во мир“.

Share on Facebook

Tweet

Follow us

Save