Ердоган предупреди: Турција воено ќе интервенира ако курдските милитанти се вклучат во нападите врз Иран

Турција упати сериозно предупредување до Соединетите Американски Држави, Ирак и курдските сили дека ќе преземе директна воена акција доколку курдските организации бидат вклучени во операциите против Иран, пренесува инфо-порталот „Туркије“.

Според информациите до кои дошла Анкара, со почетокот на нападите врз Иран, израелската разузнавачка служба Мосад се обидела да преговара со Курдската работничка партија (ПКК) и нејзиното иранско крило ПЈАК. Целта била овие групи, кои Турција ги смета за терористички, да се користат како копнени „посреднички сили“ во борбите.

За време на телефонскиот разговор со американскиот претседател Доналд Трамп, турскиот претседател Реџеп Тајип Ердоган недвосмислено се спротивстави на ваквото сценарио. Тој потсети дека ставот на Турција за територијалниот интегритет на Иран е кристално јасен и предупреди дека Анкара воено ќе интервенира „без оглед на тековните процеси, исто како што направи во Сирија“.

– Нема да слушаме никакви приказни за активни процеси. Ќе нападнеме. Видовте што се случи во Сирија, истото ќе го направиме и тука. Неопходните мерки ќе бидат преземени и при најмал обид за ширење на воениот оган во регионот, порача Ердоган.

Извештаите укажуваат дека планот на Мосад за користење на ПКК во северен Ирак и нивните сојузници во Иран пропаднал токму поради брзата дипломатска и воена реакција на Турција. Во целиот процес бил вклучен и лидерот на ПКК, Абдула Оџалан, кој од затвор упатил порака дека не смее да има апсолутно никаква курдска интервенција во врска со Иран. Ова се случува во контекст на израелско-американските напади врз Иран кои започнаа на 28 февруари, каде стратешките точки како Ормуската Теснина остануваат во фокусот на глобалната безбедност.

Share on Facebook

Tweet

Follow us

Save