Ердоган: Турција со сите сили ќе продолжи да ја брани палестинската кауза
Турскиот претседател Реџеп Тајип Ердоган денеска во Анкара се сретна со палестинскиот претседател Махмуд Абас, со кого разговараше за најновите случувања на палестинските територии, како и за билатералните и регионалните прашања.
По билатералната средба, Ердоган и Абас одржаа заедничка прес-конференција, на која турскиот претседател го критикуваше Израел за односот кон Палестинците и ја потврди цврстата поддршка на Анкара за палестинската кауза.
– Геноцидната влада на израелскиот премиер Бенјамин Нетанјаху продолжува со своите незаконски дејства на Западниот Брег и во Ерусалим пред очите на целиот свет. Во исто време, и натаму се поткопува постоењето на суверена палестинска држава. Невозможно е тоа да се игнорира и да останеме рамнодушни кон ова прашање – изјави Ердоган.
Тој нагласи дека „поддршката за Палестина претставува заедничка одговорност на целото човештво“, а особено на исламскиот свет.
– Турција со сите сили и на сите можни платформи ќе продолжи да ја брани палестинската кауза. Решително ќе се бориме за создавање независна и географски обединета палестинска држава со главен град Источен Ерусалим, врз основа на границите од 1967 година – порача Ердоган.
Палестинскиот претседател Абас последен пат ја посети Турција во август 2024 година, кога оствари средба со Ердоган и се обрати пред турскиот Парламент. На дневен ред на тогашната посета беа напорите за прекин на огнот и за доставување хуманитарна помош за Појасот Газа.
ПОВРЗАНИ ВЕСТИ
По 19 месеци затвор, ослободен турски комичар…
Турски суд во понеделникот го осуди комичарот…
Силен земјотрес го погоди југоистокот на Турција
Земјотрес со јачина од 5,4 степени е…
Ердоган до Зеленски: Турција е подготвена да…
Турскиот претседател Реџеп Таип Ердоган изјави дека…
Најмалку 11 лица ранети во пукање пред…
Тинејџер отворил оган пред средно училиште во…
Ердоган повторно ќе се кандидира за претседател…
Турскиот претседател Реџеп Таип Ердоган ќе се…