Ерменија и Азербејџан меѓусебно се обвинуваат за борби за спорниот регион Нагорно-Карабах

Ерменија и Азербејџан меѓусебно се обвинуваат за борби за спорниот регион Нагорно-Карабах, најсмртоносни од шестнеделната војна во 2020 година, во која загинаа илјадници луѓе.

Ерменскиот премиер Никол Пашинјан изјави дека загинале 135 ерменски војници, пренесе Интерфакс од седницата на ерменскиот парламент. Претходно оваа недела беше објавено дека загинале 105 војници. Азербејџан објави дека загинале 77 војници, наспроти 71 според податоците од вчера. Двете земји велат дека бројките ќе бидат повисоки.

Ерменија соопшти дека азербејџанските сили оваа недела нападнале и зазеле населби на ерменска територија надвор од Нагорно Карабах. Азербејџан тврди дека одговара на провокациите на ерменската страна.

Прекинот на огнот со посредство на Русија ги заврши борбите во средата доцна навечер, но ситуацијата на границата останува напната, рече Пашинјан.Русија, која е воен сојузник на Ерменија, но сака пријателски односи со Азербејџан, рече дека ќе изврши притисок врз двете земји да ги повлечат своите сили на позициите што ги имале пред да избие конфликтот оваа недела.

Share on Facebook

Tweet

Follow us

Save