INFOMAX.MK

ЕУЛЕКС го прими барањето на директорот на Канцеларијата за Косово и Метохија, Петар Петковиќ, но нема извршен мандат во кривично-правниот систем, а косовските власти се целосно надлежни за истрагата за настаните во Бањска, соопшти Мисијата.

„Во согласност со нашиот мандат и косовското законодавство, претставник на ЕУЛЕКС беше присутен за време на обдукцијата како набљудувач“, изјави ЕУЛЕКС на прашањето на порталот Косово онлајн дали го добила барањето на Петковиќ и дали ќе го исполни.

Претходно, Петковиќ испрати писмо до шефот на Мисијата ЕУЛЕКС, Пјетр Барбан, во врска со утврдувањето на околностите за смртта на тројцата Срби во Бањска, во кое бара на обдукцијата на телата во Приштина да присуствува независен тим од меѓународни експерти за судска медицина, вклучително и најмалку еден експерт делегиран од српска страна.

Тој го побара ова со цел „веродостојно и транспарентно да се утврдат околностите на страдањето на лицата од српска националност, за кои постојат основани сомневања дека биле брутално ликвидирани откако се предале“, пишува Косово онлајн.