ЕУ воведува такса од 3 евра за мали пакети што пристигнуваат надвор од Европа, вклучувајќи ги Shein и Temu

Европскиот парламент и Советот на Европската Унија гласаа за воведување такси за ракување со мали пакети што пристигнуваат од земји надвор од ЕУ, почнувајќи од 1 јули.

Според порталот „Тајмс оф Малта“, ова значи дека ако некој купи производ од продавач надвор од ЕУ, ќе мора да плати дополнителна царинска такса од три евра плус ДДВ.

Ако купите три различни производи, на пример панталони, здолниште и фустан, тие ќе се третираат како три различни артикли со посебни тарифни класификации и секој од нив ќе има своја царинска такса од три евра, што значи дополнителни девет евра царина, плус ДДВ.

Оваа одлука е донесена, според извештаите на медиумите, како одговор на големиот прилив на стоки што пристигнуваат во Европа од кинески онлајн платформи како што се Shein, Temu и AliExpress, но и од Amazon.

„Овој данок ќе биде вклучен и во вкупниот износ на кој се пресметува ДДВ. Како резултат на тоа, купувањето стоки со ниска вредност од земји кои не се членки на ЕУ може да стане поскапо, а може да биде засегнат и процесот на враќање на стоките“, соопшти Царинската управа на Малта.

Share on Facebook

Tweet

Follow us

Save