ЕУ ги прекори Полска и Унгарија: Еднострани забрани за увоз на украинско жито се неприфатливи

Едностраните постапки на членките на Европската унија се неприфатливи, изјави денес портпаролот на Европската комисија, откако Полска и Унгарија воведоа забрана за увоз на прехранбени производи од соседна Украина, со цел да се заштити домашниот земјоделски сектор.

„Запознаени сме со најавите на Полска и Унгарија во врска со забраната за увоз на жито и други земјоделски производи од Украина“, изјави портпаролот, пренесе Ројтерс.

Тој додаде дека, во овој контекст, неопходно е да се нагласи дека трговската политика на ЕУ е во исклучива надлежност на тој блок и затоа „едностраните дејствија не се прифатливи“.

Share on Facebook

Tweet

Follow us

Save