ЕУ до крајот на годината ќе обучи повеќе од 60.000 украински војници

Шефот на европската дипломатија, Жозеп Борел, денеска најави дека ЕУ до крајот на годината ќе ѝ испорача повеќе од еден милион артилериски куршуми на Украина и ќе обучи повеќе од 60.000 војници.

Во авторски текст објавен на веб-страницата на ЕУ, Борел наведува дека блокот значително ја забрзува воената поддршка за Украина и дека во текот на 2024 година износот на новата помош ќе биде речиси еднаков на износот доделен во двете претходни години, оценувајќи го тоа како „прилично импресивна сума“.

„Со нашите земји-членки споделивме нови збирни податоци за нашата поддршка за Украина од почетокот на руската агресија, пред речиси две години. Европската унија, преку сопствени инструменти, и нејзините земји-членки, билатерално, веќе заеднички обезбедија повеќе од 28 милијарди евра воена помош за Украина“, напишал Борел, додавајќи дека во текот на 2024 година веќе се испорачани 21 милијарда евра помош.

Share on Facebook

Tweet

Follow us

Save