ЕУ им постави ултиматум на пет држави поради „златните пасоши“
Европската Унија им постави ултиматум на пет карипски држави кои нудат државјанство во замена за инвестиции, барајќи до 2028 година да ги укинат програмите за таканаречените „златни пасоши“. Во спротивно, нивните граѓани би можеле да го изгубат правото на безвизно патување во Шенген-зоната.
Станува збор за Антигва и Барбуда, Доминика, Гренада, Света Луција и Сент Китс и Невис, чии влади веќе најавија заеднички одговор и разговори со Брисел.
Овие програми им овозможуваат на странски инвеститори да добијат државјанство со вложување во економијата на земјата, најчесто преку купување недвижности или уплата во државни фондови. Цената на таков пасош започнува од околу 200.000 американски долари.
Од Европската Унија сметаат дека проблемот повеќе не се само безбедносните проверки, туку и самиот концепт на продажба на државјанство. Од друга страна, властите во погодените земји предупредуваат дека овие програми претставуваат значаен извор на приходи и дека нивното укинување би имало сериозни економски последици.
Преговорите меѓу Брисел и карипските држави треба да покажат дали ќе биде постигнат компромис или ЕУ ќе ја спроведе најавената мерка.
ПОВРЗАНИ ВЕСТИ
АНБ формираше Центар за обука
Агенцијата за национална безбедност формираше Центар за…
Медиуми: Импровизирани ракети „полни со експлозив“ истрелани…
Неколку ракети, за кои се известува дека…
Загина возач во сообраќајка на патот Кичево…
Едно лице загина, а тројца се повредени…
Откорната таблата пред македонската амбасада во Софија
Поддржувачите на „Фондацијата Македонија“ на контроверзниот Виктор…
Ангелов: 26 пожари за еден ден, опасноста…
Опасноста од пожари на отворен простор и…