ЕУ не успеа да се договори за руските санкции – продолжени само седум дена

Во Европската Унија повторно се појавија поделби околу санкциите против Русија.

Амбасадорите на земјите членки денеска не успеаја да постигнат согласност за стандардното шестмесечно продолжување на санкциската листа, поради што постојниот режим е продолжен само седум дена – до 22 септември.

Во центарот на спорот се наоѓа руски-узбекистанскиот милијардер Алишер Усманов. Според Ројтерс, Франција и Словачка бараат негово отстранување од листата.

Санкциите опфаќаат речиси 3.000 физички и правни лица и вклучуваат замрзнување средства и забрани за патување.

За продолжување е потребна едногласна согласност на сите 27 членки, што повторно ја покажува политичката ранливост на европската санкциска политика.

Share on Facebook

Tweet

Follow us

Save