ЕУ: Трговските и инвестициските односи со Кина се неодржливи

Оваа оценка доаѓа по состанокот на Колегиумот на комесари посветен на односите со Кина.

Во соопштението објавено по состанокот, Комисијата ја повтори својата добро позната политика на „намалување на ризикот, а не раздвојување“ од Кина. „Кина е клучен партнер, а соработката и дијалогот ќе продолжат“, порачаа од Комисијата.

И покрај тоа, Унијата го признава постоењето на „растечки структурни тензии“ во меѓусебните односи. „Сегашната состојба на трговските и инвестициските односи не е одржлива. Како што економските и безбедносните интереси сè повеќе се преплетуваат, двете димензии ќе бараат посилен и поусогласен одговор“, се наведува во соопштението.

Од Комисијата додадоа дека заклучоците од денешниот состанок ќе послужат како темел за работата во наредните недели, во пресрет на понатамошните расправи кои се очекуваат на самитот на групата Г7 во Франција и на состанокот на Европскиот совет во јуни.

Share on Facebook

Tweet

Follow us

Save