ЕУ ја исплати првата транша од новиот заем од 3,2 милијарди евра за Украина

Европската Унија ја исплати првата транша од новиот заем од 3,2 милијарди евра за Украина, објави претседателката на Европската комисија, Урсула фон дер Лајен.

Финансискиот пакет од 90 милијарди евра има за цел да му помогне на Киев да го покрие буџетскиот дефицит и да ги зајакне своите одбранбени капацитети повеќе од четири години по почетокот на руската инвазија.

„Денес ја исплатуваме првата транша од овој заем. Ова се точно 3,2 милијарди евра макрофинансиска помош“, рече фон дер Лајен на конференција за обнова на Украина во Полска. „Во наредните денови ќе започнеме и со исплатата на првите 6 милијарди евра за производство на беспилотни летала“, додаде таа, цитирана од АФП.

Средствата доаѓаат во време кога Украина се чини дека го пресвртува бранот на непријателствата, ја држи фронтовската линија и нанесува сериозни удари врз руската инфраструктура.

Share on Facebook

Tweet

Follow us

Save