ЕУ ќе воведе нови санкции за Русија поради органзирањето на референдуми за отцепување во неколку украински региони

Европската унија ќе воведе нови санкции, лични и секторски, против Русија, против раководството на земјата и организаторите на референдумот во областите Доњецк, Луганск Херсон и Запорожје во Украина, се вели во соопштението на министрите за надворешни работи на ЕУ, кое го пренесе во јавноста специјалниот претставник на ЕУ за надворешна политика и безбедност Џозеф Борел.

Тој вети дека ќе ги „сносат одговорност“ Русија, нејзиното политичко раководство и сите оние кои се вклучени во организирањето на референдумот и „другите прекршувања на меѓународното право“ во Украина.

„Дополнителни рестриктивни мерки против Русија ќе бидат воведени што е можно поскоро во координација со нашите партнери“, додаде Борел.

Според него, министрите за надворешни работи на земјите од ЕУ не одлучиле кој точно ќе падне под санкциите, а сè уште не составиле список.

Во исто време, Борел вети дека ќе ја зголеми воената поддршка за Киев, како и дека ќе преземе „нови рестриктивни мерки – лични и секторски“.

Share on Facebook

Tweet

Follow us

Save