Ефектот на санкциите: Трговската размена меѓу Русија и Кина се зголеми за една третина од почетокот на годината

Трговската размена меѓу Русија и Кина, според податоците за првите три квартали од оваа година, е зголемена за 32,5 отсто и изнесува 136.089 милијарди долари, покажуваат најновите податоци на кинеската Царинска управа.

Во пресметковниот период Кина во Русија извезла стоки во вредност од 52.244 милијарди долари, што е за 10,3 отсто повеќе во однос на истиот период лани, додека руските испораки во Кина истовремено се зголемени за 51,6 отсто, достигнувајќи 83.845 милијарди долари.

Во септември трговската размена меѓу двете земји изнесуваше 18.656 милијарди долари. Русија во Кина извезла стоки во вредност од 10,656 милијарди долари, додека Кина во Русија 7,99 милијарди долари.

Според показателите од 2021 година, овој индекс порасна за 35,8 отсто и достигна рекордни 146.887 милијарди долари.

Share on Facebook

Tweet

Follow us

Save