INFOMAX.MK

Земјотрес со јачина од 7,8 степени според Рихтеровата скала во понеделникот ја погоди југоисточна Турција, во близина на градот Газиантеп и северна Сирија.

Причинета е голема материјална штета, урнати се голем број објекти. Бројот на жртвите надмина 28 илјади. Многумина останаа без семејства, родители, деца. Спасувачките служби се уште се на терен.

Два разорни земјотреси со јачина од 7,7 и 7,6 степени според Рихтеровата скала ги погодија во понеделникот јужните делови на Турција со епицентар во Кахраманмарас, а бројни спасувачки тимови сѐ уште ревносно работат на пребарување и спасување на луѓето затрупани во урнатините на зградите. Се зголемува бројот на жртвите од катастрофалниот земјотрес што во понеделникот ги погоди јужните делови на Турција и Сирија.

Бројот на загинати во Турција се искачи на 24.617 во неделата, додека повеќе од 4.500 луѓе загинаа во Сирија. Вкупниот број на загинати во Турција и Сирија на тој начин надмина 29.000. Во катастрофалниот земјотрес што ја погоди Турција загина актерката Емел Атиџи, која го толкуваше ликот на Шермин во серијата „Горка земја“, потврдија од продуцентската куќа „Тимс&Б“ Актерката, како што јавуваат турските медиуми, загинала во Адана, а во земјотресот настрадала и нејзината ќерка.

„Изразуваме сочувство до семејствата и најблиските на Емел Атиџи, вредната актерка на нашата ТВ серија „Беше еднаш во Чукурова“, се вели во објавата со сочувство до семејството кое ја загуби и ќерката на Емел.

Продуцентската куќа изразува сочуство и до семејствата на сите настрадани во разорниот земјотрес.

Bir Zamanlar Çukurova dizimizin değerli oyuncusu Emel Atıcı ve sevgili kızına, depremde hayatını kaybeden tüm vatandaşlarımıza Allah’tan rahmet, ailelerine ve sevenlerine başsağlığı diliyoruz… pic.twitter.com/ArbNUFSjKN

— TIMS&B Productions (@timsandb) February 10, 2023