INFOMAX.MK

Руската пропагандистка која игра улога на телевизиска новинарка, Олга Скабеева, позната и како „железната кукла на ТВ на Путин“, во емисија изјави дека Британците до тој степен осиромашиле поради помошта за Украина, што биле принудени да ги јадат верверичките од парковите.

„Денес беше откриено дека некои ресторани во некогаш големата Велика Британија ќе служат верверички. Бидејќи во парковите има многу животни, па зошто да не ги јадат кога има недостаток на храна. Но, тие сепак не се колебаат во нивната одлука да му помогнат на Зеленски со набавка на оружје“, рече Скабеева.

Извадокот од емисијата на Твитер го сподели Антон Герашченко, советник на украинскиот министер за внатрешни работи.

Russian propagandist Skabeyeva says that some restaurants in Great Britain started serving squirrels because of the food shortage in the country.

She implies that all the money went towards weapons for Ukraine, and now Britons must eat squirrels. pic.twitter.com/CW9TKgPrm4
— Anton Gerashchenko (@Gerashchenko_en) March 7, 2023

„Ќе јадат верверички, но сепак ќе доставуваат тенкови. И не очекувајте протести“, заклучува Скабеева во клипот.

Водителката е позната по бизарните тврдења. Како и другите пропагандисти на Путин, таа често го спомнува нуклеарното оружје, па остана запаметена и нејзината изјава дека Русија требало да фрли нуклеарна бомба врз Лондон кога „сите водечки луѓе“ беа на погребот на кралицата Елизабета Втора.