Жената која била со бугарскиот бизнисмен е во кома и во животна опасност: Два медицински тима се борат за нејзиниот живот

На жената повредена во пукањето на Алексеј Петров ќе ѝ биде извршена итна операција. Нејзиниот идентитет се уште не е откриен, но се знае дека има 48 години. Таа претходно била донесена во „Пирогов“ во тешка состојба, јавуваат бугарските медиуми.

Повредената веднаш била пренесена во болницата во Пирогов каде биле извршени детални дијагностички активности. Таа има скршена рака и прострелна рана на подлактицата, а куршумот и поминал низ градите. Во моментов две екипи оперираат на жртвата. 48-годишната жена била интубирана и ставена во медицински индуцирана кома. Нејзиниот живот е во опасност.

Првично, жената била контактна. Доколку се опорави, ќе биде сослушана.

Потсетуваме, Алексеј Петров беше застрелан со пушка во главниот град на Бугарија квартот „Драгалевци“, на патот што води до колибата „Алеко“. Дојавата за пукањето е примена во МВР во 12 часот и 20 минути, а на местото веднаш биле испратени полициски екипи кои пронашле безживотно тело на маж и една повредена жена.

Сите влезови во Софија се блокирани со полициски автомобили. Софискиот градски обвинител Илијана Кирилова заедно со двајца нејзини заменици Христо Крастев и Ивајло Илиев се на местото на настанот.

Share on Facebook

Tweet

Follow us

Save