Жител на селото Требош му се заканувал на тетовскиот градоначалник Касами

Жител на селото Требош му се заканувал на тетовскиот градоначалник Билал Касами.

Случајот е пријавен во полиција и се работи на расчистување.

„Градоначалникот на Општина Тетово Б.К.(49) од Тетово пријавил дека претходниот ден околу 23.40 часот на неговиот мобилен телефон добил порака со заканувачка содржина. По целосно расчистување на случајот ќе биде поднесен соодветен поднесок“, велат од полицијата.

Четириесет и тригодишен жител на Требош со иницијали Ј.В. е повикан во СВР Тетово осомничен дека му се заканил со порака на телефон на градоначалникот.

За Ј.В. постои основано сомневање дека извршил кривично дело „загрозување на сигурност“. Осомничен е дека се заканувал завчера, а Касами го пријавил вчера околу 10.30 часот во СВР Тетово. Еден час подоцна, го повикале човекот во полиција.

Share on Facebook

Tweet

Follow us

Save