Заврши гласањето: Затворени избирачките места во општина Брвеница – до 18:30 часот гласале 7.241 граѓани

Заврши гласањето во општина Брвеница, затворени се гласачките места, а се очекуваат и првичните резултати од изборниот ден. Инаку, до 18:30 часот гласале 7.241 граѓани или 44,57 проценти од вкупниот број на гласачи.

Жителите од десет населени места во Општина Брвеница денеска гласаа за градоначалник на предвремените локални избори откако на 23 јуни 2026 година на 58-годишна возраст ненадејно почина градоначалникот на општината, Јовица Илиевски.

Избирачките места беа отворени во 7 часот наутро. Во Избирачкиот список за изборите во Брвеница се запишани 16.256 избирачи од кои 449 се на привремена работа во странство, а во затвор или во притвор се девет избирачи.

На изборите за градоначалник на Брвеница се гласа за шестмина кандидати на четири политички блока и двајца независни кандидати. Стојанчо Радически е кандидат на коалицијата „Твоја Македонија“ предводена од ВМРО-ДПМНЕ, Јовица Радески од Коалицијата предводена од СДСМ, независниот кандидат Душан Богдановски, Јакуп Усеини од Коалиција ВРЕДИ, независната кандидатка Арифе Идризи и Аркин Јахији од Национална алијанса за интеграција (НАИ).

Функцијата на вршител на должноста градоначалник во изминатите месеци ја извршуваше Роберт Милошески.

Share on Facebook

Tweet

Follow us

Save