Заврши денешниот протестен собир, за утре е најавен нов во 11 часот пред Собрание

Организаторите на повеќедневните протести под мотото „Ултиматум – не благодарам“, што во текот на денешниот ден започнаа на пладне пред Собранието, вечерва соопштија дека за денеска протестниот собир е завршен и најавија нов протест пред собраниската зграда за утре во 11 часот.

Во текот на денешниот протест учесниците пред Собранието се појавија со транспарентите „Македонци уште се борат за своите правдини“, „Слободна ја сакаме, не сакаме протекторати“, „Стоп за бугаризација“, а дел од нив незадоволството го искажаа преку свирежи и фрлање со јајца.

Поради овој инциднет, МВР соопшти дека се приведени пет лица.

Share on Facebook

Tweet

Follow us

Save