Заврши зад решетки и остана без возило: Србин „летал“ со 221 км/ч на автопатот Скопје – Гевгелија

Српски државјанин бил лишен од слобода откако бил фатен како управува возило со брзина значително поголема од дозволената на автопатот Скопје – Гевгелија.

Како што информираат од МВР, на 25 јуни околу 20:10 часот, кај Милетково, полициски службеници од ОВР Гевгелија при сообраќајна контрола со радар го запреле М.С. (60) од Република Србија.

При контролата било утврдено дека тој управувал патничко возило „БМВ“ со српски регистарски ознаки со брзина од 221 километар на час, на делница каде што максимално дозволената брзина изнесува 120 километри на час.

Возилото било одземено, а возачот бил задржан во полициска станица. По целосно документирање на случајот, против него ќе биде поднесена соодветна пријава.

Share on Facebook

Tweet

Follow us

Save