Заврши сослушувањето на новите сведоци во истрагата за убиството на малата Данка: Тројцата зборуваа три часа, а еве што рече клучниот сведок
Денеска заврши сослушувањето на новите сведоци во истрагата за убиството на двегодишното девојче Данка Илиќ, кога на прашања пред Вишото јавно обвинителство во Заечар, покрај брачниот пар Трајковиќ од Бањско Поле, одговараше Далибор Јовиќ.
Пред обвинителот вкупно три часа зборуваа тројца сведоци, а цело време беа присутни осомничениот и родителите на убиеното девојче.
Имено, веднаш по излегувањето од рочиштето, Јовиќ на насобраните новинари им порача дека не смее да каже ништо за да не ја загрози истрагата.
– За целта на истрагата не смееме да кажеме што му кажавме на јавниот обвинител. Останувам на мојот исказ што го дадов во полиција – нагласи Јовиќ пред медиумите пред зградата на Обвинителството во Заечар.
Јовиќ рече и дека првпат се среќава лице в лице со осомничените за убиството на Данка, Срѓан Јанковиќ и Дејан Драгијевиќ, но дека и претходно бил сослушан во полициска станица.
– Пред неколку месеци веќе бев сослушан во полициска станица, а сега го кажав истото како тогаш, џогирав, но ништо конкретно не видов – изјави овој сведок.
Покрај него, сослушани се и брачната двојка Трајковиќ кои истакнаа дека се уште стојат зад зборовите што ги кажале претходно кога станува збор за страшното злосторство.
Тие во еден глас, како што пренесуваат српските медиуми, кажале дека остануваат на првичните изјави – дека во тој момент биле зад куќата и дека ништо ниту виделе, ниту слушнале.
ПОВРЗАНИ ВЕСТИ
Северна Кореја ги проширува капацитетите за збогатување…
Северна Кореја ги проширува капацитетите за збогатување…
Заловени 96 говеда во Крива Паланка, АХВ…
Агенцијата за храна и ветеринарство (АХВ) досега…
Трамп: На САД не им е потребна…
Американскиот претседател Доналд Трамп изјави дека на…
Српскиот парламент денеска конечно треба да добие…
Пратениците во Народното собрание на Србија ја…
Русија ги загрозува бродските рути во Црно…
Бугарските власти располагаат со разузнавачки информации и…