ЗАГИНАА ДЕЦА ВО ИЗРАЕЛСКИ НАПАД ВРЗ УЧИЛИШТЕ ВО ГАЗА – Убиени се најмалку 19 Палестинци

Најмалку 19 Палестинци, вклучително и деца, беа убиени во четвртокот откако израелски напад погоди училиште во Џабалија во северниот дел на Појасот Газа, во кое се сместени раселените лица, изјави претставник на Министерството за здравство на Газа, објави британски Гардијан.

– Десетици беа повредени во нападот. Нема вода за гаснење на пожарот. Нема ништо – рече палестинскиот функционер Медхат Абас.

„Најмалку 42.438 Палестинци се убиени, а 99.246 се повредени од 7 октомври“, соопшти во четвртокот Министерството за здравство во Газа.

Бројката вклучува 29 загинати во претходните 24 часа, според Министерството, кое соопшти дека 99.246 луѓе се ранети во Појасот Газа од почетокот на војната.

Share on Facebook

Tweet

Follow us

Save