Загинаа четворица израелски војници, Бен Гвир вели: „Цел Либан мора да изгори“

Израелскиот министер за национална безбедност, Итамар Бен Гвир, изјави дека „целиот Либан мора да гори“ откако израелската војска соопшти дека четворица војници се убиени во напад на либанската милитантна група Хезболах во јужен Либан.

Бен Гвир во соопштението изјави дека, со сето должно почитување кон Американците, Израел мора јасно да му стави до знаење на целиот свет дека безбедноста на израелските граѓани е неспорна, објави „Тајмс оф Израел“.

Израелската војска соопшти дека најмалку четворица припадници на Израелските одбранбени сили (ИДФ) се убиени во напад на Хезболах во јужен Либан.

Израелскиот премиер Бенјамин Нетанјаху се огласи по веста за смртта на четворица израелски војници во јужен Либан.

– Срцето на нацијата боли поради загубата на четворица од нашите најдобри синови: наредник Јоав Клајн, наредник прва класа Нир Бен Ари, наредник Лиав Кабаја и наредник Наве Хабшуш, нека Бог ја одмазди нивната крв, кои паднаа во битка во Либан. Сопругата и јас изразуваме искрено сочувство до драгите семејства кои ги загубија своите најблиски. Заедно со сите граѓани на Израел, ги прегрнуваме во нивниот час на тага и се молиме за закрепнување на нашите ранети војници, се вели во соопштението од Кабинетот на израелскиот премиер.

Share on Facebook

Tweet

Follow us

Save