Загина 68-годишен пешак кај Валандово

На местото викано „Страиште“ кај Валандово вчера околу 17:30 часот загина шеесет и осумгодишниот А.Т. од валандовското село Казандоло откако во него удрило товарно возило.

Веста ја потврди портпаролката на СВР Струмица, Александра Трајанова.

„Товарно возило „ивеко“ со валандовски регистарски ознаки, управувано од Т.К.(47) од село Удово, валандовско, удрило во пешакот А.Т.(68) од село Казандол, валандовско. Од здобиените повреди на местото починал пешакот, а смрт констатирал лекар од Итна медицинска помош Валандово“, информираат од СВР Струмица.

Увид на местото на несреќата извршиле јавен обвинител од ОЈО Гевгелија и екипа на ОВР Валандово.

По наредба на јавен обвинител телото на починатиот било предадено на обдукција.

Share on Facebook

Tweet

Follow us

Save