Задолжителното осигурување на посевите е нов удар за земјоделците: Нема да спречи град, суши и поплави

Задолжителното осигурување на посевите е нов удар за индивиндуалните земјоделци, реагираат од Левица.

– ЗАДОЛЖИТЕЛНОТО ОСИГУРУВАЊЕ НА ПОСЕВИТЕ – НОВ УДАР ВРЗ ИНДИВИДУАЛНИОТ ЗЕМЈОДЕЛЕЦ

Владата на Република Македонија најави дека во тек е изработка на Закон за задолжително осигурување на земјоделските посеви, добитокот и пчелните семејства, како услов за земјоделците да си ги земат субвенциите од страна на државата.

Како и многу пати досега, оваа Влада се оградува од своите задачи, обврски и одговорности, па истите ги префрла на товар на индивидуалните земјоделци

Задолжителното земјоделско осигурување нема да спречи појава на град, суша, поплава и други непогоди, туку нив ќе ги спречат ефикасни градобијни системи, квалитетна мрежа за наводнување и одводнување, односно исчистени канали во полињата.

Во услови кога во светот цената на храната од ден на ден е се поскапа, кога нејзината количина е лимитирана, должност на Владата е да им помогне на земјоделците слободно да произведуваат и со превентивни мерки го заштити производството на храна, а не да ги уценува со задолжително осигурување како услов за исплата на субвенции.

Левица согледувајќи ги маките со кои се соочува работниот народ и земјоделците, во својата програма има предвидено низа превентивни мерки од временски непогоди како: инсталирање на модерни градобијни системи, модернизација на мрежите за наводнување со инсталации на системи ‘капка-по-капка’ за економично ракување со водата и инвестиции во антифрос системи.

Програмата на Левица предвидува и задолжително пензиско и здравствено осигурување на земјоделците кое ќе биде на товар на државата, велат од Левица.

Share on Facebook

Tweet

Follow us

Save