Заев до Ципрас: Со договорот од Преспа оставивме позитивен пример на Балканот, Европа и светот

Поранешниот премиер Зоран Заев му упати честитка на поранешниот грчки премиер Алексис Ципрас по повод седумгодишнината од потпишувањето на Преспанскиот договор, со кој беше решен деценискиот спор за името помеѓу Македонија и Грција.

„Драг Алексис, во време на војни и хаотичен свет, сè повеќе се радувам што успеавме да го постигнеме Преспанскиот договор, да изградиме трајно пријателство меѓу нашите соседни земји — Северна Македонија и Грција, но и да оставиме исклучително позитивна трага на Балканот, во Европа и светот, дека и најтешките прашања меѓу држави можат да се решат по дипломатски пат,“ напиша Заев во пораката.

Тој му честиташе на Ципрас за седумгодишнината од историскиот договор, потпишан на 17 јуни 2018 година во Преспа, кој овозможи членство на Северна Македонија во НАТО и отвори нови перспективи за добрососедски односи и евроинтеграции.

Share on Facebook

Tweet

Follow us

Save