Заев е врховен лидер на СДС, тоа се докажа синоќа на роденденот на партијата, велат од ВМРО-ДПМНЕ

Владејачката ВМРО-ДПМНЕ реагира дека присуството на експремиерот Зоран Заев на роденденот на СДСМ значи дека тој се уште ги држи конците во партијата.

„Филипче, Димитријевиќ и СДС не се оградуваат и дистанцираат од Заев, напротив аплаудираат и се восхитуваат на неговата појава. Човекот кој го смени името на државата, човекот кој местеше судии и обвинители, одлучуваше за судски предмети и постапки, човекот кој земаше евро за брат му и евро за црквата, човекот кој го уништи земјоделството, образованието, културата, човекот кој го оцрни образот, јазикот и идентитетот, аболицираниот криминалец Заев, дочекан од неговите лојалисти на чело со Филипче и Димитријевиќ како врховен лидер“, велат од ВМРО-ДПМНЕ.

Од таму посочуваат дека всушност Заев никогаш не бил повлечен од политиката, ниту од СДСМ.

„Заев не пет години, туку пет минути не е апстиниран од СДС и политиката, синоќа на роденденот на партијата дојде да покаже дека тој се уште е врховен лидер на СДС, и дека сите работат по негова насока. Последно во низата е договорот со српската опозиција за формирање на фронт преку генералниот секретар на СДС, Димитријевиќ. Се додека Заев е со СДС, тие немаат иднина. Граѓаните не забораваат“, стои во партиското соопштение.

Share on Facebook

Tweet

Follow us

Save