Заплена на 745 килограми кокаин во Хрватска, најголема во историјата на полицијата и царината

Заплената на 745 килограми кокаин во пристаништето во Риека, вредна повеќе од 20 милиони евра, е најголемата заплена во историјата на хрватската полиција и царина кога се зборува за масовност, беше речено на прес-конференција во Управата на полицијата во средата.

Шефот на Националната полициска служба за сузбивање на корупција и организиран криминал (ПНУСКОК) Марио Ковач истакна дека заплените на царината и полицијата во изминатите три до четири месеци се импресивни, додавајќи дека некои од овие заплени се меѓу десетте најголеми во Хрватска, пренесува агенцијата КИНА.

„Уште еднаш докажавме дека како безбедносни сили сме подготвени да одговориме на исклучително комплицираните безбедносни предизвици, што дефинитивно е оваа форма на организиран криминал“, додаде тој.

Share on Facebook

Tweet

Follow us

Save