Започна борбената обука на мобилизираните граѓани во Русија
Руското Министерство за одбрана денеска соопшти дека државјаните на Русија кои се мобилизирани во рамките на делумната мобилизација ја минуваат борбената обука во центрите за обука на Министерството за одбрана и на заднинските полигони.
Московскиот весник „Известија” јави дека обуката се одвива во еден од центрите за обука на Јужниот воен округ.
Мобилизираните граѓани минуваат обука за модерна борбена тактика, прва помош и употреба на комуникации на бојното поле. Посебно внимание се посветувало на воената топографија, инженерската обука, основите на радијациска, хемиска и биолошка зашти а.
Војниците се обучуваат да пукаат со автомати „Калашников”, лесни митралези „Калашников” и фрлачи на гранати RPG-7V.
Министерството за одбрана на Русија додава дека по завршување на обуката, на сите единици со мобилизирани граѓани и доброволци ќе им се довери контролата и одбраната на „ослободените територии”, како што Москва ги нарекува териториите во Украина кои се под нејзина контрола.
Рускиот претседател Владимир Путин на 21 септември прогласи делумна мобилизација во земјата и воените власти веднап најавија дека ќе се мобилизираат 300.000 лица.
ПОВРЗАНИ ВЕСТИ
ЕУ бара итно формирање на ЗСО
Портпаролот на Европската унија, Петер Стано, по…
Ристовски: Немаме перспектива со изборот помеѓу СДСМ…
Коалицијата „Храбро за Македонија" денеска ја започна …
Братот на осомничениот за убиството на малата…
Далибор Драгијевиќ (40), брат на еден од…
Д-р. Добрила Андоновска: ГРОМ ќе се залага…
Денеска сме во посета на Старскиот дом…
(Видео) Јакимовски: Македонија може да биде енергетски…
Добар политичар мисли на следните избори, а…