„ЗАСОЛНЕТЕ СЕ, МОЖЕБИ ЌЕ ПАЃААТ ДЕЛОВИ ОД НЕБОТО“ Руски дронови над Романија

Генералниот инспекторат за вонредни состојби на Романија (ИГСУ) денеска соопшти дека група дронови е забележана во романскиот воздушен простор како се движи кон цели во Украина.

Предупредувачка порака RO-ALERT е испратена до жителите на округот Тулче, каде што околу 2 часот по полноќ била забележана група дронови, пренесуваат локалните медиуми.

„Подрачјата кои Русија има намера да ги нападне се наоѓаат на територијата на Украина, но на мала оддалеченост од границата со Романија, така што постои можност одредени предмети, по одговор на украинската армија на напад, да паднат врз романска територија. Уште еднаш ги информираме луѓето во северниот округ Тулче, но и туристите, дека цели или области на територијата на Романија не биле мета“, соопшти ИГСУ.

ИГСУ во порака до населението апелира на смиреност, а во случај да почнат да паѓаат предмети од воздушниот простор, на мештаните им се советува да се заштитат и да одат во засолништа.

Share on Facebook

Tweet

Follow us

Save