Затворена истрагата за кокаинот во Белата куќа

Кесичката со кокаин, откриена минатиот месец во западното крило на Белата куќа, наводно припаѓала на некој близок до семејството Бајден, за што бил информиран американскиот претседател Џозеф Бајден, јавуваат американските медиуми.

Повикувајќи се на неименувани извори од безбедносните служби, магазинот „Soldier of Fortune“ пренесува дека и покрај јавната објава дека, „поради недостиг на физички докази“, истрагата за вреќата со кокаин е затворена, властите можеле да го откријат идентитетот на лицето кој го ја оставил торбата со кокаин.

„Ако сакате име, прашајте го Џо Бајден. Тој знае кој е“, наводно изјавил еден од изворите за магазинот, додека друг додал дека „се работи за некој близок на семејството Бајден, а не се работи за Хантер“, алудирајќи на синот на претседателот, за кого е познато дека во минатото бил на рехабилитација од дрога.

Портпаролот на тајната служба Ентони Гуглиелми за Њујорк пост изјави дека наводите за кесичката со кокаин се „лажни“.

„Нашата истрага не беше во можност да доведе до осомничен и немаше видливи отпечатоци од прсти или ДНК што може да се извлечат од торбата“, рече тој.

Минатиот месец официјално беше завршена истрагата за вреќа со кокаин пронајдена во близина на влезот на приземјето на Западното крило, преку која посетителите и персоналот на Белата куќа поминуваат на пат кон другите простории и беше објавено дека нема сторителот и сопственикот на кокаинот не е идентификуван.

Инспекторите кои учествуваа во истрагата , исто така, не можеле да го идентификуваат конкретното време или ден кога торбата со кокаин била оставена во кабината на Западното крило, во близина на влезот каде што била откриена.

Според „Њујорк пост“, брзината на истрагата и нејзините резултати предизвикале зачуденост и огорченост кај многу јавни функционери, вклучително и поранешниот американски претседател Доналд Трамп.

„Се прашувам од каде дојде тој кокаин, што се случи? Тоа беше најбрзата истрага што некогаш сум ја видел“, рече Трамп на митинг во Њу Хемпшир оваа недела.

Кокаинот е дрога од листата Законот за контролирани супстанции и според федераалните американски закони неговото поседување, употреба и дистрибуција се нелегални.

Share on Facebook

Tweet

Follow us

Save